مواقف مع الجن في بيتنا

السلام عليكم اخواني

بصراحه قبل انزل الموضوع فكرت كثير قبلها ..
واخيراً قررت اكتبه ..

احداث حصلت معي انا ومع بعض اخواني في بيتنا ..

بداية الحكاية

كنا نسكن في بيت طين ..
وعمي (رحمه الله) كان باني بيت او نقدر نسميها فيلا..
بنا هذا البيت بطراز مخلف عن البيوت اللي في مدينتا ..
وبناه في منطقة ما فيها اي بيوت .. كانت تجي الغنم وترعى حول هذيك المنطقة قبل يسكنها الناس ..
كان البيت في كل دور فقط 4 غرف .. وممرات بينها .. وصالات كبيرة تفصل بين الممرات ..
وكان فيه 6 بلكونات (شرف)..
بعد ما انتهى عمي من البناء ما سكن في البيت ..
وسافر على سوريا وسكن هناك ..
وظل البيت مسكر لمدة 15 سنه ..
((في هالخمسة عشر سنه البيت صار مسكون))

ومع زيارات عمي لنا في بيتنا الطين .. اقترح على الوالد ننتقل لبيته الجديد ..

وإنتقلنا ..

الآن راح اذكر كم موقف شفتها بعيني .. ومستقبلاً اذكر مواقف باقي افراد الأسرة ..

كنا في نرتب البيت وننظفه ..

وفي ليله من الليالي كنت وإخواني الصغار في الدور الثاني ..
وكنا نلعب .. ونطلع صوت عالي ..طبعاً بالصاله ..
وفجأة حسيت بجسم واقف بطرف واحد من الممرات ..
وإلتفت .. ويوم شفت اللي شفت كنت بأموت من الرعب ..
وصرخت على اخواني : يالله انزلوا .. بسرعة انزلوا..
كنت من الرعب اشوي واطب من الدور الثاني ..
شفت بطرف الممر جزء من جسم لونه زي الأبيض ..
كان اللي طالع الراس والكتف والباقي متخفي خلف الجدار ..
الوجه كأنه اصلع ومن دون ملامح..
وكان يناظر براسه بإتجاهنا ..

موقف ثاني ..
كان فيه بالسطح طلقة مدفع .. كره معدنيه بوزن 20 كيلو..
وكان في خشب وبلوك ..
وكنا نلعب بالنهار بالسطح ..
كنا صغار وما نقدر نشيل البلوك .. فكنا عشان نحركها من مكان إلى مكان نقلبها على وجه من وجيهها ونقلبها كذا وكذا الين نوصلها للمكان اللي نبيه ..
وكنا نضرب مسامير بالخشب .. وكنا نلعب بالكورة المعدنيه الثقيلة .. اللي مستحيل يقدر يحركها ولد صغير ولا الهواء ..
المهم.. بالليل نرجع نسمع نفس الأصوات اللي نصدرها بالنهار ..
صوت البلوك يتدحرج .. وصوت الخشب .. وصوت الكورة المعدنية تتمشى بالسطح ..

موقف ثالث ..
كان للخزان اللي بالسطح مواصير ثنتين طالعه شوي فوق ..
وفي ليله كنت صاحي الساعه 2 لحالي ..
فصرت اسمع صوت احد يضرب المواصير في بعض ..
فأطلع من غرفتي (إخواني معي بالغرفه) واعدي الصاله ولما اوصل للدرج المؤدي للسطح يوقف الصوت ..!!
فأرجع لغرفتي واقعد بالضبط خمس دقايق ويرجع الصوت ..
ونفس الشي ابغى اروح فوق فلما اوصل الدرج يوقف الصوت ..!!
صارت يمكن ثلاث مرات ..
المره الرابعة وانا طالع من الغرفه حتى اطلع فوق قابلني اخوي الأكبر مني جاي من برا..
وقلت له السالفه .. فقال خلاص تعال الغرفه وإذا طلع مره ثانيه نطلع فوق ..
وبعدها ما طلع الصوت ..!!

المواقف هذي حصلت معي ..
ومن المواقف اللي راح احط تفاصيلها لكم ..
واحد يشد شعر اختي ..
وواحد من اخواني يشوف خروف بالبيت بالليل ..
ووحده من خواتي يقابلها جني وهي داخله المطبخ..

اشكرك ع المرور اخواني
تحيه

بتخوف عن جد ههههههههههههههههههههههههههههههههههههههههههههههههههههههههههههههههههههههههههههه